നിവിൻ പോളിയുടെ മറ്റൊരു മുഖം; മലയാളി ഫ്രം ഇന്ത്യ ടീസർ : Cinema News

നിവിൻ പോളിയെ നായകനാക്കി ഡിജോ ജോസ് ആന്‍റണി സംവിധാനം ചെ‌യ്യുന്ന മലയാളി ഫ്രം ഇന്ത്യ പുതിയ ടീസർ പുറത്തിറങ്ങി.

നേരത്തെ ഇറങ്ങിയ ചിത്രത്തിന്‍റേതായ വീഡിയോകളിലെല്ലാം രസകരമായ തമാശകളും മറ്റുമാണ് കാണിക്കുന്നതെങ്കിൽ പുതിയ ടീസറിൽ മറ്റൊരു നിവിനെയാണ് കാണിക്കുന്നത്. പ്രശ്നങ്ങളെ തരണം ചെയ്യുന്ന നിവിനും എന്തിനും കട്ടയ്ക്ക് കൂട്ടായ ഉറ്റചങ്ങാതി ധ്യാൻ ശ്രീനിവാസനുമാണ് ടീസറിൽ.

ചക്രവ്യൂഹത്തിൽ അകപ്പെട്ട അഭിമന്യുവിനെ പോലെ‌‌യാണ് നിവിന്‍റെ ജീവിതമെന്ന് അമ്മയോട് ഒരു സ്ത്രീ പറയുന്നത് ടീസറിൽ ഉൾക്കൊള്ളിച്ചിട്ടുണ്ട്.

ജനഗണമനയ്ക്ക് ശേഷം ഡിജോ ജോസ് ആന്‍റണിയും ലിസ്റ്റിൻ സ്റ്റീഫനും വീണ്ടും ഒന്നിക്കുന്ന ചിത്രം കൂടിയാണ് മലയാളി ഫ്രം ഇന്ത്യ. മേയ് ഒന്നിന് വേൾഡ് വൈഡ് റിലീസായാണ് ചിത്രം എത്തുന്നത്.

‘ജനഗണമന’ എന്ന ചിത്രത്തിനു തിരക്കഥ ഒരുക്കിയ ഷാരിസ് മുഹമ്മദ് ആണ് ‘മലയാളി ഫ്രം ഇന്ത്യ’യുടെയും രചന നിർവഹിച്ചിരിക്കുന്നത്.

ധ്യാൻ ശ്രീനിവാസന്‍, അനശ്വര രാജൻ, സെന്തിൽ കൃഷ്ണ എന്നിവരും ചിത്രത്തിൽ മുഖ്യകഥാപാത്രങ്ങളെ അവതരിപ്പിക്കുന്നു.

ഛായാഗ്രഹണം സുദീപ് ഇളമൻ.സംഗീതം ജെയ്ക്സ് ബിജോയ്‌. സഹനിർമ്മാതാവ് ജസ്റ്റിൻ സ്റ്റീഫൻ.
ലൈൻ പ്രൊഡ്യൂസർ സന്തോഷ്‌ കൃഷ്ണൻ. എക്സിക്യൂട്ടീവ് പ്രൊഡ്യൂസർ നവീൻ തോമസ്, എഡിറ്റർ ആൻഡ് കളറിംഗ് ശ്രീജിത്ത്‌ സാരംഗ്,

ആർട്ട്‌ ഡയറക്ടർ അഖിൽരാജ് ചിറയിൽ. പ്രൊഡക്ഷൻ ഡിസൈനർ പ്രശാന്ത് മാധവൻ. വസ്ത്രലങ്കാരം സമീറ സനീഷ്. മേക്കപ്പ് റോണെക്സ് സേവ്യർ, ചീഫ് അസോസിയേറ്റ് ഡയറക്ടർ ബിന്റോ സ്റ്റീഫൻ. പ്രൊഡക്ഷൻ കൺട്രോളർ ഗിരീഷ് കൊടുങ്ങല്ലൂർ, സൗണ്ട് ഡിസൈൻ സിങ്ക് സിനിമ.

ഫൈനൽ മിക്സിംഗ് രാജകൃഷ്ണൻ എം.ആർ. അഡ്മിനിസ്ട്രേഷൻ ആൻഡ് ഡിസ്ട്രിബൂഷൻ ഹെഡ് ബബിൻ ബാബു. പ്രൊഡക്ഷൻ ഇൻ ചാർജ് അഖിൽ യെശോധരൻ. ലൈൻ പ്രൊഡക്ഷൻ റഹീം പി.എം.കെ (ദുബായി). ഡബ്ബിംഗ്- സൗത്ത് സ്റ്റുഡിയോ. ഗ്രാഫിക്സ് ഗോകുൽ വിശ്വം.

കൊറിയോഗ്രാഫി വിഷ്ണു ദേവ്. സ്റ്റണ്ട് മാസ്റ്റർ ബില്ലാ ജഗൻ. പിആർഓ മഞ്ജു ഗോപിനാഥ്. ഡിസൈൻ ഓൾഡ്മങ്ക്സ്, സ്റ്റിൽസ് പ്രേംലാൽ, വിഎഫ്എക്സ് പ്രോമിസ്, മാർക്കറ്റിംഗ് ബിനു ബ്രിംഗ്ഫോർത്ത്. വിതരണം മാജിക് ഫ്രെയിംസ്.